Չորս մարդ վիրավորվել է Դաղստանի Կիզիլյուրտի շրջանի սրճարանում տեղի ունեցած գազի պայթյունի հետևանքով, դեպքի մասին հայտնել է Հանրապետության Արտակարգ իրավիճակների նախարարության գլխավոր վարչության մամուլի ծառայությունը։
«112 համակարգով ստացվել է ահազանգ, որ Կիզիլյուրտի շրջանի Ստալսկոյե գյուղի ճանապարհեզրյա սրճարանում կենցաղային գազի պայթյուն է տեղի ունեցել՝ առանց հետագա այրման։ Նախնական տեղեկությունների համաձայն՝ չորս մարդ վիրավորվել է»,- նշել են գերատեսչությունում։
Վիրավորները գտնվում են միջին ծանրության վիճակում և տեղափոխվել են Կիզիլյուրտի կենտրոնական շրջանային հիվանդանոց։