Ատոմային էներգիայի միջազգային գործակալության գլխավոր տնօրեն Ռաֆայել Գրոսսին ողջունել է Իրանի շուրջ ստեղծված իրավիճակի վերաբերյալ կողմերի հայտարարությունները և հրավիրել Իրանի արտաքին գործերի նախարար Աբբաս Արաղչիին հանդիպման
«Ես ողջունում եմ Իրանի շուրջ ստեղծված իրավիճակի վերաբերյալ հայտարարությունները։ ԱԷՄԳ-ի հետ համագործակցության վերականգնումը հաջող համաձայնագրի գրավականն է։ Ես գրեցի Աբբաս Արաղչիին և ընդգծեցի, որ այս քայլը կարող է հանգեցնել միջուկային ծրագրի շուրջ երկարատև վեճի դիվանագիտական լուծմանը, և առաջարկեցի հանդիպել մոտ ապագայում», - գրել է Գրոսսին X-ում։
Ավելի վաղ հայտնի էր դարձել, որ Կատարի և ԱՄՆ-ի միջնորդությամբ Իրանի և Իսրայելի միջև հրադադար է կնքվել։