Բաքվի ռազմական դատարանը շարունակում է քննել Արցախի ռազմաքաղաքական նախկին ղեկավարության և ապօրինաբար պահվող այլ հայերի դեմ շինծու գործը. փոխանցում են ադրբեջանական լրատվամիջոցները:

Ինչպես գրում են տեղական ԶԼՄ-ները, այսօրվա նիստում հնչել են «ցուցմունքներ»՝ Արցախի Հանրապետության ԱԳ նախկին նախարար Դավիթ Բաբայանի և մյուս հայ գերիների դեմ:

Կեղծ գործով հաջորդ նիստը կկայանա նոյեմբերի 13-ին:

Հիշեցնենք՝ հայ գերիներին մեղադրում են «ցեղասպանության, խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման, իշխանության բռնի զավթման» և այլ հոդվածներով: