SHAMSHYAN.com-ի տեղեկություններով՝ օգոստոսի 10-ին արտակարգ դեպք է տեղի ունեցել Արմավիրի մարզում։ Ժամը 20։20-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Վաղարշապատի բաժնում օպերատիվ տեղեկություն է ստացվել, որ շտապօգնության բժիշկների հերթապահ խումբը ճակատի շրջանում կտրած ծակած վերքերով «Էջմիածին» բժշկական կենտրոն է տեղափոխել մի տղամարդու։
Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած ոստիկանության Վաղարշապատի բաժնի ծառայողները՝ բաժնի պետ Ասքանազ Դավթյանի գլխավորությամբ, պարզել են, որ վիրավորը Արմավիրի մարզի բնակիչ 42-ամյա Լյուդվիգ Մ․-ն է։
Գ․ Շամշյանի տեղեկություններով՝ ոստիկանները պարզել են նաև, որ նույն օրը՝ ժամը 19։30-ի սահմաններում, կենցաղային հարցերի շուրջ ծագած վիճաբանության ժամանակ Լյուդվիգ Մ․-ն վիճաբանել է եղբոր աներորդու՝ 31-ամյա Դավիթ Ղ․-ի հետ, որի ժամանակ վերջինը և իր ընկեր ոմն Հայկը ծեծի են ենթարկել Լյուդվիգ Մ․-ին՝ պատճառելով մարմնական վնասվածքներ։
Ոստիկանության Վաղարշապատի բաժնի ծառայողների կողմից ձեռնարկվում են միջոցառումներ՝ ոմն Հայկի ինքնությունը պարզելու, վերջինիս և Դավիթ Ղ․-ին հայտնաբերելու ուղությամբ։