Հայտնի փաստ է, որ շատ սննդամթերքներ կարող են զգալիորեն նվազեցնել քաղցկեղի զարգացման ռիսկը: Սակայն, մարդկանց մեծ մասը պարզապես չգիտի, թե ինչպես և ինչ ուտել՝ առողջ բջիջները պահպանելու համար։
Ըստ էնդոկրինոլոգ Գալինա Սմիրնովայի, «հակաքաղցկեղային» դիետայի հիմնական բաղադրիչը ֆոլաթթուն է: Այն կարևոր դեր է խաղում կարմիր արյան բջիջների արտադրության, բջիջների ձևավորման և վնասակար ամինաթթուների քայքայման գործում։
Ֆոլաթթվի անբավարարությունը հանգեցնում է լուրջ առողջական խնդիրների, ինչպիսիք են սրտի և անոթային պաթոլոգիաները, կրծքագեղձի քաղցկեղը, Ալցհայմերի հիվանդությունը, անպտղությունը, գլխացավերը և թուլությունը: Life-ին տված հարցազրույցում բժիշկը թվարկել է սննդամթերքներ, որոնք պետք է ներառվեն սննդակարգում՝ այս հիվանդություններից խուսափելու համար։
Օրինակ, Գալինա Սմիրնովան խորհուրդ է տվել պարբերաբար օգտագործել կանաչ տերևավոր բանջարեղեն, լոբազգիներ, լյարդ և հավի ձու: Սակայն այս սննդամթերքներից պատրաստված ուտեստները պետք է ավելի մեղմ եփվեն, քանի որ եփելը կարող է ոչնչացնել ֆոլաթթուն։
Էնդոկրինոլոգը զգուշացրել է, որ ալկոհոլային խմիչքները նույնպես կարող են խանգարել այս թթվի կլանմանը։