Բնակչության մոտ ապօրինի պահվող զենք-զինամթերքը հայտնաբերելու ուղղությամբ ՆԳՆ Ոստիկանության պայքարը շարունակական է:

Ապօրինի պահվող զենքի հայտնաբերման հերթական դեպքը գրանցվեց Համայնքային ոստիկանության Արմավիրի բաժնում:
Համայնքային ոստիկանները օպերատիվ տեղեկություններ էին ստացել, որ Ակնալիճ գյուղի 53-ամյա բնակիչը տանը ապօրինի զենք-զինամթերք է պահում։

Իրացնելով օպերատիվ տեղեկությունները՝ համայնքային ոստիկանները նոյեմբերի 19-ին այցելել են ակնալիճցի տղամարդու տուն: Բացատրական աշխատանքի արդյունքում նա ոստիկաններին է ներկայացրել 4,5 մմ տրամաչափի ակոսափող զենք։

Նախաձեռնվել է քրեական վարույթ։ 53-ամյա տղամարդը ձերբակալվել է: Նա տեղափոխվել է քրեակատարողական հիմնարկ: