Ադանայի քաղաքապետ Զեյդան Քարալարը, Ադիյամանի քաղաքապետ Աբդուրահման Թութդերեն և Անթալիայի քաղաքապետ Մուհիթթին Բյոչեքը ձերբակալվել են Ստամբուլի քաղաքապետարանի դեմ հարուցված «կոռուպցիոն» հետաքննության շրջանակներում, գրել են ԶԼՄ-ները։
Երեքն էլ ընդդիմադիր Ժողովրդահանրապետական կուսակցության անդամներ են։
Հետաքննության ընթացքում ուսումնասիրվել են Ազիզ Իհսան Աքթաշի ընկերություններում աշխատող վկաների և ձերբակալված որոշ կասկածյալների ցուցմունքներն ու փաստաթղթերը։ Զեյդան Քարալարը և Աբդուրահման Թութդերեն ձերբակալվել են այս գործի կապակցությամբ։ Նրանց նկատմամբ արդեն իսկ կալանքի օրդերներ են տրվել։
Ձերբակալման օրդերներ տրված 15 անձանցից 11-ը կալանավորվել է, իսկ մեկ անձ, ինչպես հայտնի է, արտասահմանում է, և աշխատանքներ են տարվում մյուս երեքի ձերբակալման ուղղությամբ։
Ընդդիմադիր քաղաքապետերի ձերբակալություններից հետո ԺՀԿ ղեկավար Օզգյուր Օզելը հրավիրել է գործադիր կոմիտեի արտակարգ նիստ։
Այս շաբաթվա սկզբին կոռուպցիայի գործով ձերբակալվել է նաև Իզմիրի նախկին քաղաքապետ Թունջ Սոյերը, որը նաև ԺՀԿ-ն է ներկայացնում։ Ընդհանուր առմամբ, դատախազությունը թույլատրել է քաղաքապետարանի 157 աշխատակիցների ձերբակալությունը։