ԱՄՆ նախագահ Դոնալդ Թրամփի առաջարկած Ուկրաինայի վերաբերյալ նոր ծրագիրը նախատեսում է Ռուսաստանի դեմ պատժամիջոցների վերացում, հաղորդում է Bloomberg-ը՝ առանց մանրամասնելու, թե որ սահմանափակումներն են վերացվում։

«Իրավիճակին ծանոթ անձի խոսքով՝ առաջարկը ներառում է պահանջներ, որ Ուկրաինան զիջի արևելյան Դոնբասի տարածքը Կրեմլին և վերացնի Ռուսաստանի դեմ պատժամիջոցները», - նշվում է հրատարակության մեջ։

Զելենսկին, ըստ որոշ տեղեկությունների, ԱՄՆ-ից ազդանշաններ է ստացել, որ պետք է ընդունի Մոսկվայի հետ բանակցված գործարքը։

Նախկինում Axios-ը, հղում անելով աղբյուրներին, հաղորդել էր, որ ԱՄՆ-ն «գաղտնի խորհրդակցություններ» է անցկացնում Ռուսաստանի հետ՝ խաղաղության պայմանագիր մշակելու վերաբերյալ։ Ուկրաինայում հակամարտության կարգավորման ԱՄՆ նոր ծրագիրը բաղկացած է 28 կետից և պարունակում է դրույթներ, որոնք արևմտյան լրատվամիջոցները անվանում են «Ռուսաստանին մեծ զիջումներ»։ Մասնավորապես, փաստաթուղթը նախատեսում է Ուկրաինայի զինված ուժերի կրճատում մոտ 2,5 անգամ, Կիևի կողմից Մոսկվային և Սանկտ Պետերբուրգին հասնելու ունակ հեռահար հրթիռներից հրաժարվել, ռուսերենը որպես պաշտոնական լեզու հաստատել և այլն։