ԱՄՆ-ն կրկին կհարվածի Իրանին, եթե այն վերսկսի իր միջուկային ծրագիրը, հայտարարել է ԱՄՆ նախագահ Դոնալդ Թրամփը ՆԱՏՕ-ի գագաթնաժողովի շրջանակներում դաշինքի գլխավոր քարտուղար Մարկ Ռուտեի հետ հանդիպման ժամանակ։
«ԱՄՆ-ն թույլ չի տա Իրանին շարունակել ուրանի հարստացումը, այդ թվում՝ ռազմական միջոցներով», - նշել է Թրամփը։
Նա ընդգծել է, որ Իրանի՝ հարվածի ենթարկված միջուկային օբյեկտների պարունակությունը շատ դժվար է հեռացնել։ «Մենք կարծում ենք, որ այն ամբողջությամբ այնտեղ է»։
Դոնալդ Թրամփը նաև ասել է, որ Իրանի և Իսրայելի միջև հրադադարը շատ լավ է ընթանում։