Իրանը կարող է դուրս գալ Միջուկային զենքի չտարածման մասին պայմանագրից և սկսել ուրանի հարստացումը 60%-ից բարձր, եթե Թեհրանի վրա պատժամիջոցների ճնշումը շարունակվի, հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի պաշտոնական ներկայացուցիչ Էբրահիմ Ռեզաին։
«Իրանն այժմ միայն կասեցրել է լրացուցիչ արձանագրության կամավոր կիրառումը, բայց դեռևս մնում է NPT-ի անդամ, բայց եթե պատժամիջոցների ճնշումը շարունակվի, օրակարգում կարող են լինել պայմանագրից դուրս գալը, ուրանի հարստացումը մինչև 60%-ից բարձր մակարդակի, արդիականացված ցենտրիֆուգների արտադրությունն ու արտահանումը և միջուկային ոլորտում հարաբերությունների ընդլայնումը», - ասել է Ռեզաին։
Ուրբաթ օրը Իրանի արտաքին գործերի նախարար Աբբաս Արաղչին հայտարարել է, որ Միացյալ Նահանգների հետ բանակցությունների վերսկսումը հնարավոր է միայն այն դեպքում, եթե Վաշինգտոնը պատրաստ լինի փոխշահավետ և հավասարակշռված միջուկային համաձայնագրի։
Արաղչին նաև հավելել է, որ Մեծ Բրիտանիան, Գերմանիան և Ֆրանսիան պետք է հրաժարվեն միջազգային պատժամիջոցները վերականգնելու գաղափարից և սկսել «պատասխանատու գործել, եթե ցանկանում են դեր խաղալ միջուկային բանակցություններում»։