Ռուսաստանի նախագահ Վլադիմիր Պուտինը ժամանել է Ալյասկայի Անքորիջ քաղաք՝ ԱՄՆ նախագահ Դոնալդ Թրամփի հետ բանակցությունների համար։ Այս մասին հաղորդում է ՌԻԱ Նովոստին։
Ալյասկայի գագաթնաժողովը նախատեսված էր օգոստոսի 15-ին։ Բանակցությունների վայր է ընտրվել Էլմենդորֆ-Ռիչարդսոնի համատեղ ռազմական բազան։
Նախատեսվում է, որ հանդիպումը կսկսվի Մոսկվայի ժամանակով մոտավորապես ժամը 22:00-ին՝ դեմ առ դեմ զրույցով, որտեղ պետությունների ղեկավարներից բացի կլինեն նաև նրանց օգնականներն ու թարգմանիչները։ Բանակցությունների հիմնական թեման ուկրաինական ճգնաժամի երկարաժամկետ խաղաղ կարգավորման որոնումն է։
Ռուսական պատվիրակության կազմում էին Ռուսաստանի արտաքին գործերի նախարար Սերգեյ Լավրովը, նախագահի օգնական Յուրի Ուշակովը, պաշտպանության նախարար Անդրեյ Բելոուսովը, ֆինանսների նախարար Անտոն Սիլուանովը, ԱՄՆ-ում Ռուսաստանի դեսպան Ալեքսանդր Դարչիևը և Ռուսաստանի Դաշնության ղեկավարի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ Կիրիլ Դմիտրիևը։
Տեսանյութն՝ այստեղ