Գյումրիի համայնքապետ Վարդան Ղուկասյանը հայցադիմում է ներկայացրել ընդդեմ Ազգային ժողովի փոխնախագահ, ՔՊ-ական պատգամավոր Ռուբեն Ռուբինյանի։ Պատասխանող կողմ է նաև ՀՀ Ֆինանսների նախարարությունը։ Այս մասին տեղեկություն է առկա «Դատալեքս» համակարգում։
Շիրակի մարզի ընդհանուր իրավասության դատարան ներկայացված հայցադիմումով Ղուկասյանը պահանջում է դատարանից պարտավորեցնել Ռուբինյանին հերքել զրպարտություն հանդիսացող տեղեկությունները, ճանաչել իր անմեղության կանխավարկածի խախտման փաստն ու վճարել փոխհատուցում 500.000 դրամի չափով։
«Զրպարտություն համարվող փաստացի տվյալները հրապարակայնորեն հերքելու և զրպարտութայան հետևանքով պատճառված ոչ նյութական վնասի փոխհատուցման՝ հօգուտ Վ. Ղուկասյանի 500.000/հինգ հարյուր հազար/ՀՀ դրամ գումար բռնագանձելու, Վ.Ղուկասյանի հիմնարար իրավունքի՝ արդար դատաքննության իրավունքի /անմեղության կանխավարկածի/խախտման վերաբերյալ փաստը հաստատելու և որպես հիմնարար իրավունքների խախտմամբ պատճառված ոչ նյութական վնասի հատուցման՝ Հայաստանի Հանրապետությունից հօգուտ Վ.Ղուկասյանի 500.000/հինգ հարյուր հազար/ ՀՀ դրամ գումար բռնագանձելու պահանջների մասին»։