Իսրայելի և Սիրիայի նախարարները անցկացրել են իրենց առաջին բարձր մակարդակի բանակցությունները 25 տարվա ընթացքում:
Հանդիպումը տեղի է ունեցել Փարիզում՝ Մերձավոր Արևելքի հարցերով ԱՄՆ հատուկ ներկայացուցիչ Թոմ Բարաքի միջնորդությամբ, հաղորդել է «Axios»-ը:
Պորտալի տվյալներով՝ բանակցություններին մասնակցել են Իսրայելի ռազմավարական պլանավորման նախարար Ռոն Դերմերը և Սիրիայի անցումային կառավարության արտաքին գործերի նախարարության ղեկավար Ասաադ ալ-Շեյբանին: Հանդիպումը տևել է չորս ժամ, և դրա հիմնական թեման երկրների միջև լարվածության նվազեցումն է եղել:
Կողմերը մտադիր են եղել համաձայնության գալ Սիրիայի հարավում անվտանգության և հրադադարի շուրջ, Axios-ին հայտնել են իսրայելական աղբյուրները:
Իսրայելն ու Սիրիան վերջին ամիսներին արդեն մի քանի հանդիպումներ են անցկացրել: Փարիզի բանակցությունները երկրների միջև վստահության ամրապնդման առաջին քայլը կլինեն: