Արագ սնունդը, չիպսերը, հոթ-դոգերը և գազավորված ըմպելիքները ամենավտանգավորն են ուղեղի համար, kp.ru-ին ասել է նյարդաբան Աստանդա Մուշբան։
«Տրանս ճարպեր կամ հագեցած ճարպեր պարունակող սննդամթերքի օգտագործումը մեծացնում է դեմենցիայի առաջացման ռիսկը՝ խոլեստերինի կուտակումների պատճառով։ Տրանս ճարպերը լայնորեն օգտագործվում են արագ սննդի, տապակած սննդի, նախուտեստների և թխվածքաբլիթների մեջ», - զգուշացրել է բժիշկը։
Նա նաև խորհուրդ է տվել խուսափել աղի չարաշահումից, քանի որ այն կարող է մեծացնել հիպերտոնիայի և ուղեղի մանր անոթների հիվանդության առաջացման ռիսկը, որը հետագայում կարող է հանգեցնել կաթվածի և դեմենցիայի։ Դա կանխելու համար Մուշբան խորհուրդ է տվել բարելավել սննդակարգը և ներառել ձու, ծովամթերք, թարմ բանջարեղեն, մրգեր, կաթնամթերք և պանիրներ։ Սա կպահպանի ուղեղի առողջությունը և կդանդաղեցնի տարիքային փոփոխությունները։