Բժիշկ Խորխե Անխելը իսպանական Vanitatis հրատարակությանը ասել է, որ ցնցուղի համար նախատեսված սպունգները սնկերի և մանրէների բազմացման վայր են, որոնք լողանալու ժամանակ փոխանցվում են մաշկին: Սա կարող է գրգռվածության պատճառ դառնալ: Բժշկի խոսքով՝ շատ ավելի անվտանգ է մարմնին գել կամ օճառ քսել ձեռքերով:
Կարևոր է նաև ջրային պրոցեդուրաների տևողությունը: «Շատ կարճ ցնցուղը թույլ չի տալիս լիովին մաքրել մաշկը: Իսկ շատ երկար ցնցուղը խաթարում է բնական պաշտպանիչ պատնեշը»,- զգուշացրել է բժիշկը:
Լոգարանում ջերմությունն ու խոնավությունը հիանալի միջավայր են մարդու համար վնասակար միկրոօրգանիզմների բազմացման համար, KP.RU-ին հաստատել են ռուս մասնագետները:
Օրինակ, լոգարանում հատակին ցայտքերից պաշտպանող վարագույրը անընդհատ շփվում է ջրի հետ: Իսկ տաք, խոնավ միջավայրը իդեալական է բորբոսի առաջացման և մանրէների զարգացման համար: «Խնդիրների մեկ այլ աղբյուր կարող է լինել ցնցուղի գլխիկը: Դրա ներսում նույնպես հիանալի պայմաններ կան մանրէների բազմացման համար: Միացնելով ցնցուղը, մենք բառացիորեն ցողում ենք ներսում կուտակված մանրէներով»,- զգուշացրել է Ռոսպոտրեբնադզորի մասնագետ Միխայիլ Լեբեդեւը։