Ադրբեջանի առաջին փոխվարչապետ Յագուբ Էյուբովը չի մասնակցի Մոսկվայում Անկախ Պետությունների Համագործակցության (ԱՊՀ) տնտեսական խորհրդի նիստին:
Բաքուն որոշել է չմասնակցել ԱՊՀ երկրների տնտեսական համագործակցությունն ապահովող մարմնի աշխատանքներին՝ Մոսկվայի հետ լարված հարաբերությունների պատճառով, գրել են ԶԼՄ-ները։
ԱՊՀ գլխավոր քարտուղար Սերգեյ Լեբեդեւն ասել է, որ ադրբեջանական պատվիրակությունը չի ժամանել, և որ չգիտեն՝ չգալու պատճառները։
«Մեզ չեն տեղեկացրել։ Ես մեծ հույս ունեմ, որ իրավիճակը կվերադառնա իր նախկին հունին։ Իսկ Ադրբեջանը եղել և կմնա ինտեգրացիոն համագործակցության ակտիվ մասնակից»,- ասել է նա։