Մեկնաբանելով ԱՄՆ Կոնգրեսի Ներկայացուցիչների պալատի նախագահ Նենսի Փելոսիի այցը Երևան՝ ՌԴ նախագահի մամուլի քարտուղար Դմիտրի Պեսկովը նշել է, որ Ռուսաստանը կողջունի իրավիճակի կարգավորմանը գործնականում տանող քայլերը. այդ մասին գրում է Ria.ru-ն։
«Այն ամենը, ինչ ոչ թե խոսքերով, այլ գործով, և ոչ թե բարձրագոչ, պոպուլիստական ձևով, այլ իրականում լուռ և գործնական կարող է նպաստել հարաբերությունների կարգավորմանը, սահմանին իրավիճակի կայունացմանը, այդ ամենը կարող է ողջունելի լինել», – ասել է նա` պատասխանելով այն հարցին, թե ինչպես է Մոսկվան գնահատում ԱՄՆ ներկայացուցիչների պալատի խոսնակ Նենսի Փելոսիի այցը Հայաստան։