Ղազախստանի նախագահ Կասիմ-Ժոմարտ Տոկաևը շաբաթ օրը հրամանագիր է ստորագրել Արտակարգ իրավիճակների նախարար Յուրի Իլյինին աշխատանքից ազատելու մասին․ հայտնում է պետության ղեկավարի մամուլի ծառայությունը։
Արտակարգ իրավիճակների նախարարի պաշտոնանկությունը տեղի է ունեցել հանրապետության արևելքում արդեն երկրորդ օրը մոլեգնող խոշոր անտառային հրդեհի ֆոնին։ Տարածքը կազմում է 60 հազար հեկտար։
ԱԻՆ-ից հայտնում են, որ անտառտնտեսության երեք աշխատակից է մահացել, եւս 11 հոգու որոնողական աշխատանքներ են իրականացվում։
Տոկաևը չեղարկել է այցը Վիետնամ և ծրագրում է շաբաթ օրը այցելել տարածաշրջան՝ օպերատիվ հանդիպում անցկացնելու և աղետից տուժած քաղաքացիներին օգնություն ցուցաբերելու համար։