Վերջին մեկ շաբաթվա ընթացքում Հայաստանում կարմրուկի 13 նոր դեպք է գրանցվել, բռնկումները դեռ շարունակվում են՝ ճիշտ է, փոքր ծավալներով: Այս մասին Կառավարության նիստից հետո լրագրողների հետ ճեպազրույցում ասաց ՀՀ առողջապահության նախարար Անահիտ Ավանեսյանը:
«Դեռ բերովի դեպքերը շարունակվում են, տարածաշրջանում իրավիճակը բավականին լարված է, կան երկրներ, որտեղ կարմրուկի բռնկումները շատ ավելի մեծ ծավալների են հասնում, ինչը նշանակում է, որ մենք չենք կարող խուսափել բերովի դեպքերից»,- ասաց նախարարը:
Նրա խոսքով, պատվաստումների գործընթացը շարունակվում է, առաջնային թիրախը բուժաշխատողներն են: