Հունգարիայի վարչապետը կոչ է արել Բրյուսելին դադարեցնել Վրաստանի վրա հարձակումները:
Այս մասին Վիկտոր Օրբանը գրել է X-ի իր էջում Բուդապեշտում Վրաստանի խորհրդարանի խոսնակ Շալվա Պապուաշվիլիի հետ հանդիպումից հետո։
«Ժամանակն է, որ Բրյուսելի բյուրոկրատներն ու Սորոսի ցանցը դադարեցնեն վրացական կառավարության վրա հարձակումները: Ես իմ աջակցությունն եմ հայտնել խորհրդարանի նախագահ Պապուաշվիլիին Վրաստանի ինքնիշխանության համար նրանց պայքարում»,- գրել է Օրբանը:
Հանդիպմանը Օրբանը և Պապուաշվիլին քննարկել են Վրաստանի և Հունգարիայի միջև աճող համագործակցությունը ինչպես կառավարական, այնպես էլ խորհրդարանական մակարդակներում, օրենսդիր մարմինների միջև շրջանակային համաձայնագիրը, Վրաստանի՝ ԵՄ-ին անդամակցելու ուղին և պատրաստակամություն հայտնել համագործակցել միջազգային քաղաքական հարթակներում։
Հունգարիան չի չեղարկի Վրաստանի դիվանագիտական և ծառայողական անձնագրերի համար առանց վիզայի ռեժիմը, ավելի վաղ հայտարարել էր Հունգարիայի արտաքին գործերի նախարար Պետեր Սիյարտոն։