ԱՄՆ-ի Իլլինոյսի համալսարանի գիտնականները պարզել են, որ յուրաքանչյուր 4 օրը մեկ բրոկկոլիի օգտագործումը սննդի մեջ նվացեցնում է քաղցկեղի կամ որևէ այլ դեգեներատիվ հիվանդության առաջացման վտանգը: Մասնագետները բրոկկոլիի մեջ հայտնաբերել են գեներ, որոնք վերահսկում են ֆենոլային միացությունների կուտակումները:
Այդ գործոնները ուղիղ կապ ունեն սրտի իշեմիկ հիվանդության, շաքարային դիաբետի, քաղցկեղի որոշ տեսակների և բրոնխային հեղձուկի (ասթմա) զարգացման հետ: Հայտնաբերված գեներն ունեն հակաօքսիդանտային հատկություն, ինչը ազդում է օրգանիզմում տեղի ունեցող բորբոքումների վրա:
Գիտնականներն ընդգծել են, որ վերոնշյալ հիվանդությունների առաջացման վտանգի նվազեցման համար անհրաժեշտ է օրգանիզմն ապահովել որոշակի նյութերով, որոնցով հարուստ է բրոկկոլին: Անհրաժեշտ է սովորել այս բանջարեղենի պատրաստման ճիշտ եղանակը, այլապես կարելի է կորցնել դրա՝ օրգանիզմի համար կարևոր հատկությունները: Բրոկկոլիի գործածությունից հետո այդ նյութերը կենտրոնանում են լյարդում, այնուհետև ֆլավոնոիդները, արյունատար համակարգի միջոցով, սկսում են տարածվել՝ նվազեցնելով բորբոքային գործընթացները:
Մասնագետների պնդմամբ՝ նմանատիպ արդյունքի կարելի է հասնել միայն սննդակարգի մեջ բրոկկոլի ավելացնելով: Սակայն հայտաբերված նյութերը օրգանիզմում երկար չեն մնում, ուստի անհրաժեշտ է պարբերաբար լրացնել միացությունների պակասը: