Լոնդոնը և Վաշինգտոնը համաձայն են, որ դաշնակիցները պետք է շարունակեն հավաքական ճնշում գործադրել Պուտինի վրա
Լոնդոնը և Վաշինգտոնը համաձայն են, որ Ուկրաինայում շարունակվող պատերազմի պայմաններում արևմտյան դաշնակիցները պետք է շարունակեն հավաքական ճնշում գործադրել Ռուսաստանի նախագահ Վլադիմիր Պուտինի վրա: Այս մասին հայտնել է Մեծ Բրիտանիայի կառավարության մամուլի ծառայությունը Մեծ Բրիտանիայի վարչապետ Քիր Սթարմերի և ԱՄՆ նախագահ Դոնալդ Թրամփի հեռախոսազրույցից հետո։
Հեռախոսազրույցը տեղի է ունեցել կիրակի՝ մարտի 30-ի երեկոյան:
Սթարմերը Թրամփին տեղեկացրել է վերջերս Փարիզում «կամավորների կոալիցիայի» հետ կապված «արդյունավետ քննարկումների» մասին։
Կամավորների կոալիցիան պետք է ներառի երկրներ, որոնք պատրաստ են հանդես գալ որպես Ուկրաինայի անվտանգության երաշխավոր։
