Զելենսկին մի քանի անգամ հրաժարվել է ԱՄՆ-ի հետ հանքային ռեսուրսների վերաբերյալ համաձայնագիրը ստորագրել․ Բեսսենտ
Ուկրաինայի ղեկավար Վոլոդիմիր Զելենսկին մի քանի անգամ հրաժարվել է Միացյալ Նահանգների հետ հանքային ռեսուրսների վերաբերյալ համաձայնագիրը ստորագրել, ասել է ԱՄՆ ֆինանսների նախարար Սքոթ Բեսսենտը
Սկոթ Բեսսենտը նշելէ, որ Զելենսկին սկզբում «համաձայնագիր ստորագրելու տրամադրություն է ունեցել», երբ ինքը եկել է Կիեւ։
Նրա խոսքով՝ Զելենսկին այն ժամանակ խոստացել է պայմանագիր ստորագրել Մյունխենում։
«Չստորագրեց, շատ խոսակցություններ եղան... Եվ հետո նա հասավ Օվալաձև աշխատասենյակ և փչացրեց այն, ինչ պետք է լիներ աշխարհի ամենահեշտ բանը»,- ասել է Բեսսենտը։
Նախարարը հավելել է, որ «ամեն ինչ պատրաստվել է սեղանի վրա ստորագրելու համար, բայց այդպես էլ չի ստորագրվել»։
