Սիրելինե՛ր, առկա անվտանգային սպառնալիքների հանդիման լինենք համերաշխ, միասնական, որպեսզի կարողանանք անկորուստ պահպանել հայրենի մեր երկիրը և անխռով ազգային մեր կյանքը։ Մեր պատգամն ենք բերում իշխանություններին, ինչպես սուրբ Վարդան Մամիկոնյան քաջ զորավարը պետք է ասեր՝ արիությանը վախկոտություն մի՛ խառնեք, վախկոտությունը կորստաբեր է, մահ է սփռում, արիությունը ոգու զորություն է արդարությունն ու ճշմարտությունն պաշտպանելու համար։ Այս մասին Հայոց ցեղասպանության 109-րդ տարելիցին Ծիծեռնակաբերդ այցի ժամանակ լրագրողների հետ զրույցում ասաց Ամենայն հայոց կաթողիկոս Գարեգին Բ-ն։
«Չտկարանանք դժվարությունների առջև, մեր Սուրբ նահատակների բարեխոսությամբ Աստված երկնային բարձունքներից հեղելու է մեր կյանքին խաղաղության, ապահովության ու անվտանգության իր օրհնությունները։ Մշտահունջ պահենք մեր հոգիներում և մեր սրտերում աղոթքն առ Աստված։ Աստված միշտ օգնական է լինելու և պահապան է լինելու մեր ժողովրդին»,– ասաց Վեհափառը։
Մանրամասները՝ տեսանյութում