Եվրոպական հանձնաժողովի անունից Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը պատասխանել է սոցիալիստների և դեմոկրատների քաղաքական խմբի Եվրախորհրդարանի պատգամավոր Դիմիտրիս Պապադակիսի՝ Լաչինի միջանցքի շրջափակման պատճառով Լեռնային Ղարաբաղում ստեղծված հումանիտար ճգնաժամի վերաբերյալ գրավոր հարցին։

Բորելը հայտնել է, որ 2022 թվականի դեկտեմբերի սկզբից ԵՄ-ն ուշադիր հետևում է Լաչինի միջանցքի երկայնքով և դրա շուրջ տեղի ունեցող իրադարձությունների զարգացումներին և դրա հետևանքներին։

Նա վստահեցրել է, որ ԵՄ-ն նախկինի պես լրջորեն անհանգստացած է ազատ տեղաշարժի և կենսական նշանակության ապրանքների մատակարարման շարունակական սահմանափակումներով, որոնք լուրջ խնդիրներ են առաջացնում տեղի բնակչության համար: