Հազարավոր քրդեր հավաքվել են Փարիզի Հանրապետության հրապարակում երեկ տեղի ունեցած հրաձգությունից հետո, որի հետևանքով զոհվել են երեք քուրդ ակտիվիստներ։Հաջորդած բախումների հետեւանքով վիրավորվել է հինգ ոստիկան. այդ մասին հայտնում է BFMTV-ն՝ վկայակոչելով իրավապահ մարմինների աղբյուրը։
«Քրդերի ներկայացուցիչները սկսել են հրկիզող խառնուրդներ նետել իրավապահների ուղղությամբ։ Հինգ ոստիկան վիրավորվել է, մեկ մարդ բերման է ենթարկվել»,- հաղորդում է հեռուստաալիքը։
Ավելի վաղ հայտնել էինք, որ 69-ամյա տղամարդը կրակ է բացել Փարիզի 10-րդ թաղամասում: Նրան բերման են ենթարկել. նգործողության շարժառիթներն անհայտ են։
Տեսանյութը՝ այստեղ
Աշխարհի տարբեր քաղաքներում սկսվել են քրդերի աջակցության ակցիաներ։
Տասնյակ մարդիկ պաստառներով ու դրոշներով դուրս են եկել Լոնդոնում ցույցի։ Աթենքում խաղաղ երթը վերածվել է ոստիկանության հետ բախումների:
Տեսանյութը՝ այստեղ