Արևմտյան Եվրոպայում անոմալ շոգերը շարունակվում են, որոնք ուղեկցվում են անտառային ուժգին հրդեհներով։ BBC-ի փոխանցմամբ՝ Իսպանիայի հյուսիսում երեկ գրանցվել է ըստ Ցելսիուսի 43 աստիճան, Ֆրանսիայի արևմուտքում՝ 42 աստիճան։
Մեծ Բրիտանիայում նույնպես ռեկորդային շոգ է գրանցվել։ Կանխատեսվում է, որ ջերմաստիճանն առաջին օրերին կգերազանցի 40 աստիճանը։ Սաստիկ շոգի պատճառով Լոնդոնի Լյուտոն օդանավակայանում թռիչքուղու մակերևույթին թերություններ են առաջացել, թռիչքները 2 ժամով դադարեցվել են։
Իսպանիայում և Պորտուգալիայում վերջին օրերին շոգի պատճառով 1000-ից ավելի մարդ է մահացել։ Տապի ալիքը շարժվում է դեպի Գերմանիա և Բելգիա։
Անոմալ շոգերն ավելի հաճախակի և ինտենսիվ են դարձել և ավելի երկար են տևում կլիմայի փոփոխության պատճառով։ Արդյունաբերական դարաշրջանից ի վեր մոլորակի ջերմաստիճանը բարձրացել է շուրջ 1,1 C-ով։