Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Խոզնավարի բնակիչները ապաստարաններում են․ զոհ, վիրավոր չկա․ վարչական ղեկավար

Blog Image

Խոզնավարից 2 կմ այն կողմ կրակոցներ կան, հենց համայնքում համեմատաբար հանգիստ է։ Քաղաքացիներն ապաստարանում են։ Այս մասին այսօր MediaHub.am-ի հետ զրույցում ասաց Խոզնավար վարչական ղեկավար Սեյրան Միրզոյանը։

«Մեր ուղղությամբ կրակոցներ եղել են, բայց գյուղի մեջ չի հասել, զոհ, վիրավոր չունենք։ Գյուղից տարհանման խնդիր չի առաջացել, քարանձավներ, ապաստարաններում են քաղաքացիները»,- ասաց նա։

Հիշեցնենք, որ պաշտոնական տեղեկություններով՝ առավոտյան 8-ի դրությամբ իրադրությունը հայ-ադրբեջանական սահմանին էական փոփոխություններ չի կրել։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական և թե՛ քաղաքացիական ենթակառուցվածքները։ Սահմանի որոշ հատվածներում դիրքային մարտերը շարունակվում են, հակառակորդը չի դադարեցնում առաջխաղացման փորձերը։

Send