Պետք է ասեմ, որ բանակցությունները բավականին ինտենսիվ են ընթանում և առաջարկները, քննարկումները երկու կողմից էլ արդյունք են տալիս։ Մի տեղ մենք ենք ձևակերպումների հետ համաձայն, մի տեղ՝ իրենք։ Ամեն դեպքում, այս պահին ես տեսնում եմ, որ առաջընթաց կա։ Այս մասին այսօր լրագրողների հետ զրույցում ասաց ԱԺ նախագահ Ալեն Սիմոնյանը՝ խոսելով Միրզոյան-Բայրամով սպասվող բանակցություններից։
Խոսելով Ալիևի հայտարարությունների մասին, վերջինս նշեց, որ դժվար է նրան մեկնաբանելը։
«Այլընտրանքը ո՞րն է, որ չգնանք խաղաղության ճանապարհով։ Ի՞նչ առաջարկ ունեք դուք, ընդդիմությունը։ Պատերազմի կպատրաստվի, մենք էլ կպատրաստվենք պաշտպանվելուն»,-ասաց նա։
Խոսելով Ադրբեջանի դիրքորոշման մասին, Սիմոնյանն ընդգծեց․ «Ալիևն ասում է՝ ես Հայաստանի նկատմամբ տարածքային պահանջ չունեմ: Չգիտեմ՝ ես դա ասելու իրավունք ունե՞մ, թե՞ չունեմ, կարծում եմ՝ ունեմ, բայց փակ հանդիպման ժամանակ ինքը նույնպես ընդունում ու ընդունել է ՀՀ տարածքային ամբողջականությունը թվային ձևակերպումով»։
Մանրամասները՝ տեսանյութում