«Խաղաղության պայմանագրի» մեջ այս պահի դրությամբ անկլավների թիվ կա՞ արձանագրված։ Այսօր ԱԺ-ում նման հարց հնչեցրեց «Հայաստան» խմբակցության պատգամավոր Ագնեսա Խամոյանը՝ դիմելով ԱԳ նախարար Արարատ Միրզոյանին։
«Եվ որքա՞ն է իրատեսական, որ այս տարվա վերջում կարող է ստորագրվի այդ պայմանագիրը»,- հարց հնչեցրեց նա։
Ի պատասխան՝ Արարատ Միրզոյանն ասաց, թե բանակցությունների ընթացքում ինչ-որ պահի չի առաջացել անկլավների հարցը։
«Մենք ասել ենք՝ գյուղեր են եղել, որոնք եղել են անկլավներ, բայց հիմա այս ամենը հիմնավորման կարիք ունի, թե որ թուփն ուր պիտի լինի, որ քարը՝ ուր։ Քաղաքական առումով, այո՛, այդ անկլավները եղել են, բայց իրավական հարցն այլ է։ Մենք ինչ էլ ասում ու անում ենք, պատասխանատվությունը մերն է։ Պայմանագրում անկլավների մասին որևէ բան չկա»,- նկատեց Միրզոյանը։
Նա նշեց՝ քաղաքական առումով ասում է, որ անկլավներ եղել են։
Մանրամասները՝ տեսանյութում