Դրամի փոխարժեքը՝ այսօր
Եղանակը՝ այսօր
Միջազգային

Սոմալիի զինվորականները սպանել են «Ալ Շաբաբ»-ի 45 գրոհայինի. ոմանց գլխատել. ԶԼՄ

Blog Image

Սոմալիի կառավարության կողմից աջակցություն վայելող աշխարհազորայինները սպանել են «Ալ Շաբաբ» խմբավորման առնվազն 45 գրոհայինների եւ գլխատել նրանցից մի քանիսին, հայտնում է Reuters լրատվական գործակալությունը՝ հղում տալով սեփական աղբյուրներին եւ հավելում, որ երկրի կենտրոնական շրջանների բնակիչները զինվում են ահաբեկիչների դեմ:

Նշվում է, որ միջադեպը տեղի է ունեցել շաբաթ օրը Հիրշաբել նահանգի Հիրան շրջանում տեղի ունեցած մարտից հետո: Այնտեղ այս ամիս զգալի բախումներ են տեղի ունեցել խմբավորման եւ դաշնային կառավարության դաշնակից նոր աշխարհազորայինների միջեւ։

«Ալ Քաիդայի» հետ կապված «Ալ Շաբաբ» իսլամիստական ​​խմբավորումը 2006 թվականից պայքարում է Սոմալիի կենտրոնական կառավարության դեմ եւ ձգտում է իրականացնել շարիաթի օրենքների խիստ մեկնաբանություն:

Ըստ Հիրանի շրջանի բնակիչների, խմբավորումը գնալով ավելի շատ տներ է այրում, ավերում հորերը եւ գլխատում խաղաղ բնակիչներին: Եվ այս ամենը՝ վերջին 40 տարվա ամենասարսափելի երաշտի պայմաններում առկա հարկային պահանջների հետ, ավելի շատ բնակիչների է դրդու զենք վերցնել:

Այս ամսվա սկզբին «Ալ Շաբաբ»-ի զինյալները սպանել են առնվազն 18 խաղաղ բնակչի եւ ոչնչացրել պարենային օգնության բեռնատարներ: Օգոստոսին նրանք հյուրանոցի պաշարման ժամանակ սպանել են ավելի քան 20 մարդու։ Սոմալին քաղաքացիական պատերազմի մեջ է 1991 թվականից, երբ կլանների գլուխները տապալել են բռնապետին, ապա միմյանց դեմ դուրս եկել:

 

Send