2022թ․-ի ընթացքում Հայաստանում արձանագրվել է հանցագործության 37 612 դեպք․ MediaHub-ի հաղորդմամբ, այս մասին ասաց ՀՀ գլխավոր դատախազ Աննա Վարդապետյանը՝ խորհրդարանում ներկայացնելով ՀՀ դատախազության 2022թ․-ի գործունեության մասին հաղորդումը։ 

Անձանագրված հանցագործություններից 21 604-ը տեղի է ունեցել Երեւանում։ Նախորդ տարվա համեմատ հանցագործության դեպքերն աճել են 7367-ով, կամ՝ 24,4 տոկոսով։ 

«2022թ․-ին արձանագրվել է ոչ մեծ ծանրության եւ միջին ծանրության, ծանր եւ առանձնապես ծանր հանցագործությունների աճ»,- նշեց Վարդապետյանը։

2022թ․-ին ինքնասպանության կամ ինքնասպանության փորձի հասցնելու դեպքերն աճել են 175-ով, կամ՝ շուրջ 60,3 տոկոսով. ցուցանիշը, ըստ գլխավոր դատախազի, շարունակաբար վատթարացման միտում ունի։ Նախորդ տարի նույնպես այս ցուցանիշի աճ է եղել։ 

«Ինքնասպանությունների թիվը կազմել է 188, նախորդ տարվա 191-ի դիմաց։ Հաշվետու տարում ինքնասպանությունների թիվը նվազել է։ Ինքնասպանություն կատարած 188 անձից 69-ը գործազուրկներ են եւ թոշակառուներ»,-ասաց Վարդապետյանը։