Մահացել է Ապարանի աղմկահարույց կրակոցներից վիրավորում ստացած և «Արմենիա» ԲԿ տեղափոխված Սամվել Սանդրոյանը. այդ մասին հայտնեց «Արմենիա» ԲԿ-ից:
«Նա այդպես էլ գիտակցության չեկավ։ Կոմայի մեջ էր», - ասել է Կուրղինյանը։
Նշենք, որ ԱԱԾ ծառայող Սամվելը գլխի հատվածում էր վիրավորում ստացել։ Նա Ապարանի կրակոցների երրորդ զոհն է։
Հիշեցնենք, որ հունիսի 19-ին Արագածոտնի մարզում Ապարան-Նիգավան միջնահատվածում արյունալի միջաեպ էր տեղի ունեցել: Տեղի ունեցած միջադեպի հետևանքով 5 հոգի վիրավորվել էր, երկու հոգի՝ ՊՆ պայմանագրային զինծառայող 28-ամյա Համիկ Մաթևոսյանը և «Գնթունիք»-ի աշխատակից 27-ամյա Տիգրան Հարությունյանը մահացել էին, իսկ հիվանդանոց տեղափոխված Սամվել Սանդրոյանը գտնվում էր ծայրահող ծանր վիճակում: