Նավթ արտահանող երկրների կազմակերպությունը (ՕՊԵԿ) 2022 թվականի արդյունքներով օրական 0,1 միլիոն բարելով նվազեցրել է նավթի համաշխարհային պահանջարկի աճի կանխատեսումը՝ օրական հասցնելով մինչեւ 2,5 միլիոն բարելի։ Այս մասին ասված է «Նավթի շուկայի մասին նոյեմբեր ամսվա հաշվետվություն»-ում։

Տնտեսական համագործակցության եւ զարգացման կազմակերպության (ՏՀԶԿ) անդամ երկրների թվում ընդհանուր առմամբ կա 34 երկիր, այդ թվում՝ ԱՄՆ-ը, Կանադան, Հունգարիան, Էստոնիան, Կազմակերպության կանխատեսումների համաձայն՝ 2022 թվականին նավթի պահանջարկը կաճի օրական 1,3 մլն բարելով եւ կհասնի օրական 46,1 մլն բարելի: Այն երկրները, որոնք այս դաշինքի անդամ չեն, կարող են ավելացնել հումքի սպառումը օրական 1,3 մլն բարելով՝ մինչեւ օրական 53,5 մլն բարել։

ՕՊԵԿ-ը նաեւ օրական 0,1 միլիոն բարելով նվազեցրել է 2023 թվականին նավթի պահանջարկի աճի կանխատեսումը՝ հասցնելով 2,2 միլիոն բարելի:

Կանխատեսման փոփոխության պատճառների թվում են համաշխարհային տնտեսության մեջ անորոշությունը, կորոնավիրուսային համավարակի զսպման միջոցառումների ազդեցությունը եւ աշխարհաքաղաքական լարվածությունը։