Սանկտ Պետերբուրգի բնակիչն ընկել է մետրոյի Պրոլետարսկայա կայարանի մուտքի մոտ, իսկ ավելի ուշ մահացել հիվանդանոցում, ՌԻԱ Նովոստիին հայտնել են Սանկտ Պետերբուրգի մետրոպոլիտենի մամուլի ծառայությունից։
«Չորեքշաբթի օրը մի կին ընկել է նախասրահի մուտքի դռան մոտ՝ վատառողջության պատճառով, անմիջապես մոտեցել են նրան և շտապօգնություն կանչել։
«ՌԻԱ Նովոստի»-ի աղբյուրը շտապօգնության ծառայություններում հավելել է, որ 1985 թվականին ծնված կինը հոսպիտալացվել է Ի. Ի. Ջանելիձեի անվան շտապ օգնության գիտահետազոտական ինստիտուտ՝ «ուղեղի ցնցում» և «ուղեղի տրավմատիկ վնասվածք» ախտորոշմամբ։ Տուժողին հաջողվել է բժիշկներին հայտնել, որ մոտ 12:40-ին ինքը հարվածել է մուտքի դռանը։
«Ժամը 17:15-ին բժիշկները արձանագրել են կնոջ մահը, ենթադրաբար, անևրիզմայի պատռվածքն է եղել»,- ասել է գործակալության աղբյուրը։
Սոցցանցերում հրապարակված տեսանյութում երևում է, թե ինչպես է կինը երերալով մտնում նախասրահ և ընկնում՝ հարվածելով դռանը: