Թուրքիայի քաղաքացիական ավիացիայի վարչությունը խստացնում է պայմանները թուրք օդաչուների համար, ովքեր թոշակի են անցնում եւ լքում երկիրը՝ արտասահմանյան ավիաընկերություններում աշխատելու նպատակով, գրում է Reuters լրատվական գործակալությունը։
Այս ամռանը ողջ Եվրոպայում օդանավակայաններում երկար հերթեր են, մասամբ՝ անձնակազմի պակասի պատճառով, որը հետկորոնավիրուսյան շրջանում կարող է պահանջարկի վերականգնումից հետո կարգավորվել: Այս ֆոնին Թուրքիայի կառավարությունը հայտարարել է, որ թուրք օդաչուները, որոնք ցանկանում են աշխատել օտար ավիաընկերություններում կարիք կունենան իրենց նախկին գործատուի կողմից համաձայնության նամակ ստանալ: Իսկ եթե օդաչուն հրաժարական տա առանց գրավոր համաձայնություն ստանալու, ապա նրա դիմումը վեց ամիս չի դիտարկվի իշխանությունների կողմից:
Hava-Is արհմիությունը նշել է, որ օրենքի փոփոխությունը խոչընդոտում է օդաչուների աշխատանքի ազատությանը, ինչի համար էլ կհանդիպեն Տրանսպորտի եւ քաղաքացիական ավիացիայի նախարարության ներկայացուցիչների հետ՝ հնարավոր փոփոխությունները քննարկելու համար:
Արհմիությունը նշել է, որ թուրք օդաչուները պահանջարկ ունեն Պարսից ծոցի եւ հյուսիսամերիկյան ավիափոխադրողների կողմից: Ավիացիոն մարմնի տվյալներով՝ Թուրքիայում օդաչուների թիվը 10 525 է:
Հիշեցնենք, որ անցյալ ամիս Գերմանիան հայտարարել էր ավիացիոն ոլորտի աշխատակիցների համար աշխատանքի թույլտվության եւ վիզաների տրամադրման մասի, ինչը պայմանավորված է ամառային ճանապարհորդությունների հագեցվածությամբ: