Ստամբուլի առևտրի կենտրեններից մեկում ադրբեջանցիների մասնակցությամբ զինված բախում է տեղի ունեցել, որի հետևանքով տուժել է վեց մարդ, այդ թվում՝ Իրանի քաղաքացի. հայտնում է News.ru-ն:
Պարբերականի հաղորդմամբ՝ երկու խմբի միջև անհայտ պատճառներով վիճաբանություն է սկսվել, որը որոշ ժամանակ անց վերածվել է ծեծկռտուքի։ Կողմերը կրակ են բացել միմյանց ուղղությամբ, ինչի հետևանքով տուժել է վեց մարդ։ Վիրավորներից մեկը ծանր վիճակում տեղափոխվել է հիվանդանոց։
Միջադեպը տեղի է ունեցել առևտրի կենտրոնի սրճարաններից մեկում։
Հաղորդվում է, որ Իրանի քաղաքացին վիճաբանության հետ առնչություն չի ունեցել և պատահաբար է վիրավորվել։