Վլադիվոստոկում ոստիկանությունը պատասխանատվության է ենթարկել այն աշակերտուհիների ծնողներին, ովքեր լուսանկար էին հրապարակել սատկած կատվի գլխի հետ։ Այս մասին հայտնում է ՌԴ Պրիմորսկի երկրամասի ՆԳՆ-ն։

Ավելի վաղ ԶԼՄ-ները հրապարակել էին աշակերտուհու մշակված լուսանկարը, որը մի ձեռքում պահել էր կտրված կատվի գլուխը, մյուսում՝ դանակը։ Աղջիկը պաշտպանիչ ձեռնոցներով է եղել։

Տեղի բնակիչները հայտնել են, որ մի քանի ութերորդ դասարանցիներ սպանում են թափառող կատուներին։ Ոստիկանությունը քննություն է սկսել և պարզել լուսանկարում պատկերված աղջկա ինքնությունը։

Նրանց ներկայացուցիչների ներկայությամբ հարցաքննվել են 14 և 15 տարեկան աշակերտուհիները։ Աղջիկների ծնողների առնչությամբ կազմվել են արձանագրություններ՝ վարչական իրավախախտում կատարելու համար: