Օգոստոսի 24-25-ը ՌԴ վարչապետ Միխայիլ Միշուստինը կայցելի Հայաստան՝ մասնակցելու Եվրասիական տնտեսական միության (ԵԱՏՄ) միջկառավարական խորհրդի նիստին։ Այս մասին հայտնում է ՏԱՍՍ-ը։

Հիշեցնենք, որ ՀՀ կառավարությունից հայտնել էին, որ օգոստոսի 24-ին տեղի է ունենալու Եվրասիական միջկառավարական խորհրդի արտահերթ նիստ: Միջոցառումն անցկացվելու է Ծաղկաձոր քաղաքում:

Ավելի վաղ հայտնել էինք, որ ըստ մեր տեղեկությունների՝ հանդիպումը՝ արտահերթ նիստի տեսքով, նախաձեռնել է Նիկոլ Փաշինյանը, և անդամ պետությունները, այդ թվում և Ռուսաստանի Դաշնությունը, տվել են իրենց համաձայնությունը: Սա նշանակում է, որ Երևան կժամանի նաև ՌԴ վարչապետ Միխայիլ Միշուստինը: