1991 թ․ սեպտեմբերի 2-ին, Լեռնային Ղարաբաղի մարզային և Շահումյանի շրջանի Ժողովրդական պատգամավորների խորհուրդների համատեղ նստաշրջանն հռչակեց Լեռնային Ղարաբաղի Հանրապետությունը, որը վերահաստատվեց ԼՂՀ Գերագույն խորհրդի առաջին նստաշրջանում ընդունված Անկախության հռչակագրով։
Հայկական Արցախի լինելիության խնդիրը ոչ միայն չի կորցրել իր գոյաբանական նշանակությունը, այլև համազգային նոր հանձնառությունների և այս կործանարար ընթացքը կանխելու հրամայականն է թելադրում։ ՀՅԴ Հայասատանի Գերագույն մարմնի կազմակերպած՝ «ՎԵՐԱԴԱՐՁ» խորագրով ձեռնարկը, որը տեղի կունենա ս․թ սեպտեմբերի 2-ին, «Հարսնաքար» համալիրում, նպատակ ունի ստեղծված ծանրագույն իրավիճակում արժևորել պատմական օրվա խորհուրդը, նաև ներկայացնել մոտեցումներ և առաջարկներ՝ Արցախի հիմնախնդրի մարտահրավերների և քաղաքական լուծումների, համազգային հանձնառությունների և Արցախահայության անօտարելի իրավունքների իրացման վերաբերյալ։
Ձեռնարկին հրավիրված են ՀՀ պետական քաղաքական գործիչներ, հոգևոր և հանրային տարբեր շրջանակների ներկայացուցիչներ։ «Վերադարձ» խորագրով ձեռնարկին կցուցադրվի Սեպտեմբերի 19-ի դեպքերի մասին պատմող փաստագրական ֆիլմ, ինչպես նաև հանդես կգան Արցախի պետական մի շարք մշակութային կոլեկտիվներ։»
ՀՅԴ Հայաստանի Գերագույն մարմնի Հանրային կապերի գրասենյակ
30.08.2024 թ.