Ազգային ժողովի աշխատակակազմի ղեկավար-գլխավոր քարտուղար Վահան Նարիբեկյանն ազատվել է զբաղեցրած պաշտոնից:

«Ղեկավարվելով «Հանրային ծառայության մասին»  օրենքի 9-րդ հոդվածի 12-րդ մասով, Ազգային ժողովի խորհրդի 2017 թվականի հունիսի  12-ի «Հայաստանի Հանրապետության Ազգային ժողովի աշխատակազմի կառուցվածքը եւ կանոնադրությունը հաստատելու մասին» ԱԺԽՈ-006-Լ որոշման 1-ին հավելվածի 18-րդ կետի 1-ին ենթակետով եւ հիմք ընդունելով Վ. Նարիբեկյանի 2023 թվականի փետրվարի 3-ի դիմումը՝ կարգադրում եմ.

1. 2023 թվականի փետրվարի 3-ից Ազգային ժողովի աշխատակազմի ղեկավար-գլխավոր քարտուղար Վահան ՆԱՐԻԲԵԿՅԱՆԻՆ ազատել զբաղեցրած պաշտոնից:

2. Ազգային ժողովի աշխատակազմի ֆինանսական կառավարման եւ հաշվառման վարչությանը՝ ապահովել Հայաստանի Հանրապետության օրենսդրությամբ սահմանված կարգով լրիվ վերջնահաշվարկի կատարումը»,- ասված է որոշման մեջ:

Mediahub.am-ի հետ  զրույցում, անդրադառնալով հարցին, թե արդյոք Նարիբեկյանի ազատումը կապված է Քաղաքացիական պայմանագիր խմբակցության փակ նիստի հետ և որոշումն այդ ժամանակ է կայացվել, ԱԺ նախագահի մամուլի քարտուղար Ծովինար Խաչատրյանն ասաց՝ ոչ, որոշումը եղել է դեռ դեկտեմբերին։

«Դեկտեմբերին Ալեն Սիմոնյանն ու Նարիբեկյանը համաձայնության են եկել, որ նա կհեռանա պաշտոնից»,- նշեց նա։ 

Նշենք, որ Վահան Նարիբեկյանին կփոխարինի Դավիթ Առաքելյանը։

MediaHub-ը հիշեցնում է, որ Դավիթ Առաքելյանը ՔՊ֊ական պատգամավոր Հասմիկ Հակոբյանի ընկերն է, որի մասին դեռ ամիսներ առաջ մամուլը գրել էր։