Ռուսական «Լուկօյլ» նավթամթերք արտադրող ընկերությունը արևմտյան պատժամիջոցների պատճառով դեկտեմբերից կդադարեցնի Բաքու-Թբիլիսի-Ջեյհան խողովակաշարով արտահանումը Կասպից ծովի նավթահանքերից. այդ մասին հայտնում է Reuters գործակալությունը:
Աղբյուրի փոխանցմամբ, նավթամթերքի արտահանումը կփոխանցվի Կասպյան խողովակաշարերի կոնսորցիումի համակարգին։
Գործակալության տվյալներով, ընկերության որոշումը կապված է ԵՄ էմբարգոյի հետ, որը եվրոպացի գնորդներին արգելում է դեկտեմբերի 5-ից գնել և տեղափոխել ռուսական նավթ։ Էմբարգոն չի ազդի CPC-ի վրա, որը Ղազախստանի նավթի արտահանման հիմնական ուղին է։