Ադրբեջանը դեռևս չի տալիս իր համաձայնությունը, որ հայկական կողմը հանի զինծառայողների դիերը։ Այդ մասին այսօր կառավարության նիստից հետո լրագրողների հետ զրույցում ասաց ՀՀ մարդու իրավունքների պաշտպան Քրիստիննե Գրիգորյանը:
Նրա խոսքով՝ կան կոնկրետ տեղանքներ, որտեղ ՀՀ պաշտպանության նախարարությունը գիտի զինծառայողների մարմինների գտնվելու մասին, բայց, այս պահի դրությամբ, ադրբեջանական կողմը համաձայնություն չի տալիս, որ հայկական կողմը հանի մարմինները։
Հիշեցնենք, որ դեռ Աստանայում Փաշինյանը հայտարարեց՝ դիերի դուրսբերման պայմանավորվածություն ունեն, ապա հույս հայտնեց, թե այն կպահպանվի: Այդ հայտարարությունից հինգ օր անց Փաշինյանը կրկին հույս հայտնեց, որ Ադրբեջանը կհամագործակցի ինչպես սեպտեմբերյան մարտերի, այնպես էլ ղարաբաղյան առաջին ու երկրորդ պատերազմներում մոտ հազար անհետ կորածների ճակատագիրը պարզելու հարցում։
Մանրամասները՝ տեսանյութում