Բալթյան նավատորմը ձմռանը մի քանի տասնյակ խոշոր զորավարժություններ կանցկացնի, հայտնում է նավատորմի մամուլի ծառայությունը։
Նրա տեղեկատվությամբ, ձմեռային ուսումնական ժամանակաշրջանի շրջանակներում վարժանքներին կներգրավվեն տանկային եւ մոտոհրաձգային, հակաօդային պաշտպանության եւ կապի, հրետանային, հետախուզական եւ նավատորմի ավիացիայի ստորաբաժանումներ։
Նշվում է, որ նոյեմբերին արդիականացվել է Կալինինգրադի մարզում տեղակայված նավատորմի զորավարժարանների ուսումնական եւ նյութական բազան։ Նոր ուսումնական տարվա համար պատրաստվել են կրակային պատրաստության, մարտական մեքենաների վարման եւ մարտավարական պատրաստության ավելի քան 300 օբյեկտներ։ Միաժամանակ հատուկ ուշադրություն է դարձվել ռազմական հրաձգարանների վիճակին։ Նրանց համար պատրաստվել են ավելի քան 200 բազմաֆունկցիոնալ շարժական եւ անշարժ թիրախներ, որոնք ավտոմոբիլային տեխնիկայի եւ զրահատեխնիկայի դեր են կատարել, ինչպես նաեւ պայմանական հակառակորդի գնդացրային եւ հակատանկային հաշվարկներ։