Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։ 

«Բռնապետության դեմքը» խորագրի այսօրվա «հերոսը» ՀՖՖ փոխնախագահ Արմեն Նիկողոսյանն է, ով ծառայություններ է մատուցում Փաշինյանին՝ անձնական խնդիրներ լուծելու նպատակով: 

Դասալքություն 

Նիկոլ Փաշինյանի ընտանեկան թերթի նախկին լրագրող, այսօր Հայաստանի ֆուտբոլի ֆեդերացիայի փոխնախագահ Արմեն Նիկողոսյանի որդին չի ծառայել բանակում: Էդգար Արմենի Նիկողոսյանը (ծնված 23.07.1995 թվ-ին, գրանցման հասցեն՝ Երևան, Դեմիրճյան փ. 17Ա 15) ազատվել է պարտադիր զինվորական ծառայությունից՝ ֆուտբոլային կարիերա շարունակելու հիմնավորմամբ, սակայն հետագայում  ակտիվ ֆուտբոլով չի զբաղվել: 

Նիկոլական տեսակը 

Առանց այն էլ՝ նիկոլական տեսակի համար խորթ են հայկական բանակն ու ծառայությունը: Բայց քստմնելի է, երբ մարդն իր կարգավիճակը, Փաշինյանի հետ մտերմությունն օգտագործում է՝ բանակից որդուն ազատելու համար: Փաշինյանը սիրով ընդառաջում է այս մարդկանց խնդրանքներին. ի վերջո, հեշտ է սրանց «կոմպրոմատներով» կառավարելը:

Վահրամ Բագրատյան