Ոչ մի լավ սպասելիք չունեմ Պուտին-Փաշինյան-Ալիև հանդիպումից: Այս մասին ԱԺ-ում լրագրողների հետ ճեպազրույցում հայտարարեց ՔՊ խմբակցության պատգամավոր Գագիկ Մելքոնյանը՝ ավելացնելով, թե հնարավոր է հանդիպումը չկայանա, քանի որ դեռևս պաշտոնական առաջարկ չի եղել:
Նրա խոսքով՝ լրագրողները գիտեն այդ առաջարկի մասին: Դիտարկմանը, թե Կրեմլից է հրավերը հնչեցվել, Մելքոնյանը պնդեց՝ հրավեր չեն ստացել.
«Հրավեր պետք է լիներ Աստանայում (հանդիպելու), այնտեղ հանդիպում չկայացավ: Ալիևի վերջին հոխորտանքներն էլ ցույց են տալիս, որ Ռուսաստանից սպասելիք պետք չի ունենալ ընդհանրապես»,- հավելեց պատգամավորը: