ԱՄՆ-ում երդվյալ ատենակալները մեղադրանք են առաջադրել Իրանի մի քանի քաղաքացիների՝ ԱՄՆ նախագահի հանրապետական թեկնածու Դոնալդ Թրամփի նախընտրական շտաբի վրա հաքերային հարձակման առնչությամբ, հայտնում է Politico-ն՝ վկայակոչելով երեք իրազեկ աղբյուրներ։
Ինչպես նշում է Politico-ն, մեղադրյալների անուններն ու հոդվածները, որոնցով պատրաստվում են դատել, դեռ անհայտ են։
Ավելի վաղ ԱՄՆ հետախուզական ծառայությունները հրապարակել էին համատեղ հայտարարություն, որում ասվում էր, որ ամռանը իրանցի հաքերները գողացել են Թրամփի նախընտրական շտաբի ներքին փաստաթղթերը և դրանք ուղարկել լրատվամիջոցներին, ինչպես նաև ԱՄՆ ներկայիս նախագահ Ջո Բայդենի հետ առնչվող անձանց։