Տիկին Գայանեն վատառողջ է, շտապ օգնության մեքենա ենք կանչել. այս մասին լրագրողների հետ ճեպազրույցում քիչ առաջ հայտարարեց փաստաբան Ռուբեն Մելիքյանը:
Նա հիշեցրեց, որ զոհված զինծառայող Ժորա Մարտիրոսյանի մայրը՝ Գայանե Հակոբյանը, ավելի վաղ հացադուլ էր հայտարարել:
Փաստաբանը նաև տեղեկացրեց, որ քննչական մարմինը տիկին Գայանեին կալանավորելու միջնորդություն է ներկայացրել: Քիչ անց դատարանը կսկսի քննել հարցը:
Նշենք, որ ընդդիմադիր պատգամավորները և մի շարք այլ հանրության մեջ վստահություն վայելող անհատներ ներկայացրել են երաշխավորություն հացադուլ հայտարարած, քաղաքական դրդապատճառներով կալանավորված Գայանեի ազատության համար:
Հիշեցնենք, զոհված զինծառայողների ծնողները չեն ընդունում, թե Գայանե Հակոբյանը փորձել է առևանգել Նիկոլ Փաշինյանի որդուն՝ Աշոտ Փաշինյանին: Ի նշան բողոքի՝ նրանք փակել են Արշակունյաց պողոտան:
Նշենք, որ տարածք են բերվում ոստիկանական լրացուցիչ ուժեր: