Այսօր՝ օգոստոսի 12-ին, Արցախի թեմի բոլոր գործող եկեղեցիներում երեկոյան ժամերգության ընթացքին տեղի է ունեցել շաբաթապահքն ամփոփող միասնական աղոթք։

«Արցախպրես»-ի հաղորդմամբ՝ Աստվածամոր Վերափոխման տոնի նախօրեին  Ստեփանակերտի Մայր տաճարում  եկեղեցու բազմաթիվ հավատավորներ միասնական աղոթք են բարձրացրել առ Աստված Արցախի համար։

ՀԱԵ Արցախի թեմի առաջնորդ տեր Վրթանես եպիսկոպոս Աբրահամյանի օրհնանքի խոսքը ներկայացրել է արժանապատիվ Տեր Վաչագան քահանա Գյուրջյանը։

Միասնական աղոթքին ներկա էր ԱՀ նախագահ Արայիկ Հարությունյանը` տիկնոջ և դստեր հետ,  Ներքին գործերի նախարար Կարեն Սարգսյանը, ՊԲ հրամանատար Կամո Վարդանյանը,  պաշտոնատար այլ անձինք։