Ադրբեջանի արտգործնախարար Ջեյհուն Բայրամովը և ՆԱՏՕ-ի գլխավոր քարտուղար Յենս Ստոլտենբերգը երեկ Բրյուսելում կայացած բանակցություններում քննարկել են համագործակցության հեռանկարները և տարածաշրջանում տիրող իրավիճակը:
«Հանդիպմանը մտքերի փոխանակություն է տեղի ունեցել ՆԱՏՕ-Ադրբեջան գործընկերության ներկայիս վիճակի և ապագա հեռանկարների, ինչպես նաև տարածաշրջանային խնդիրների շուրջ», - ասվում է Ադրբեջանի ԱԳՆ մամուլի ծառայության հաղորդագրությունում։
«Միևնույն ժամանակ նշվել են Ադրբեջանի կողմից հետհակամարտային փուլում Հայաստանի հետ հարաբերությունների կարգավորման գործընթացի շրջանակում ձեռնարկվող քայլերը», - փոխանցում է Ադրբեջանի արտաքին քաղաքական գերատեսչությունը։